Gizartea -
Kotxe istripua
Bi txirrindulari harrapatu dituzte Ollakarizketan
Nafarroako Ollakarizketa herrian gertatu da istripua. Bi txirrindulari harrapatu dituzte eta ondoren, bi kotxek aurrez aurre talka egin dute.
Erredakzioa
Hiru lagun zauritu dira 07:36tan Ollakarizketan (Txulapain) gertatu den istripu batean. Bi txirrindulari harrapatu dituzte eta ondoren, bi ibilgailuk aurrez aurre talka egin dute.
Istripua NA-4100 errepidean gertatu da (Aitzoian-Lizaso), eta Nafarroako Gobernuak adierazi duenez, zaurituetako bat larri dago.
Bi anbulantziatan Nafarroako ospitalera eraman dituzte zauritutakoak. Foruzaingoa trafikoa bideratzen ari da eta gertatutakoa ikertzen ari dira.
Ondoren, Poliziak bi txirrindulari harrapatu dituen gidari bat atxilotu du, alkoholemia-kontrol batean positiboa eman ostean.