Gizartea -
N-1 errepidean
Bi ertzain eta bi gidari zauritu dira istripu batean, Lasarten
Auto batek kontrola galdu eta errepidean zegoen Ertzaintzaren furgonetaren aurka jo du. Lagun bat larri zaurituta dago.
Erredakzioa
Bi ertzain eta bi gidari zauritu dira Lasarten izandako istripu batean.
Aurretik izandako beste ezbehar bat zela eta, Ertzaintzaren furgoneta errepidean zegoen. Auto batek ikusi ez, eta kontrola galdu ostean, furgonetaren aurka jo du. Ertzain bat eta aurreko kotxeko gidaria harrapatu ditu eta azken hau larri dago. Beste hirurak, ordea, zauri arinak dituzte.