Gizartea -
GERTAKERAIA
Portugaleten itsasadarrean hilda agertutako emakumearen heriotza ikertzen ari dira
40 bat urteko emakumearen gorpua larunbat goizean agertu zen ur gainean, Bizkaiko Zubitik gertu. Gertakari horren ingurukoak argitzeko, ikerketa abiatu dute Ertzaintzak eta Guardia Zibilak elkarlanean.
EITB MEDIA
Portugaleten, itsasadarrean, joan den larunbatean hilda agertutako emakumearen heriotza ikertzen ari dira Ertzaintza eta Guardia Zibila. Larunbat goizean agertu zen gorpua ur gainean, Bizkaiko Zubitik gertu.
Erreskatatu ondoren, Bilboko Auzitegi Medikuntzako Institutura eraman zuten gorpua, autopsia egiteko.
Gaur El Correo egunkariak zabaldu duenez, ez dute baztertzen hilketa bat izatea. Iturri horren arabera, laupabost egun zeramatzan gorpuak uretan.
Iturri berdinaren arabera, autopsiak argitu du asfixiaz hil zela, eta bi pisu zeramatzala gerrira lotuta.