Harriak jasotzen dituzte Interneten erositako telefonoen ordez

Guardia Zibilak bi pertsona atxilotu ditu Dos Hermanasen (Sevilla) ustezko iruzur delitu batengatik. Akusatuek 46 eta 29 urte dituzte. Dirudienez, Internet bidez sakelako telefonoak saltzen zituzten, baina erosleek horien ordez harriak jasotzen zituzten.

Guardia Zibilak hainbat salaketa jaso ditu iruzur honen inguruan. Erosleek, dirudienez, behin erosketa eginda eta diru kopurua ordainduta, harriz betetako pakete bat jasotzen zuten euren etxeetan. Paketeek jatorrizko produktuaren pisu berdintsua zuten.

Ustezko iruzurgileak Interneten iragartzen ziren, produktu berriak zein bigarren eskuko produktuak saltzen dituzten webguneetan. Biktimek (herrialde osokoak) 120-420 euro bitarteko prezioa zuten punta-puntako telefono mugikorrak erosten zituzten.

Ikerketa bat egin ondoren, Dos Hermanaseko Guardia Zibilak ustezko iruzurgileak harrapatu zituen. Bata iragarkiak Internetera igotzen aritzen zen. Besteak, berriz bere izenean zuen ordainketen dirua jasotzen zuen kontu korrontea.