Gizartea -

Larrialdiak

112-SOS Deiak aplikazioak funtzionalitate berria du larrialdi-egoeretan irudiak bidaltzeko

Ekimenarekin Euskadiko Larrialdiak Koordinatzeko Zentroaren kontzientzia situazionala hobetu ahal izango da, eta hori lagungarria izango da erabiltzaileei arreta hobea emateko.

112-Sos Deiak aplikazioa.
112-Sos Deiak aplikazioa.
112-Sos Deiak aplikazioa.

EITB Media

Whatsapp Facebook Twitter Telegram Email

112-SOS Deiak zerbitzuaren aplikazioak funtzio berri bat gehitu du, erabiltzaileek edozein larrialdiren irudiak bidal ditzaten.

Aipatutako aplikazioaren bidez argazkiak bidaltzeko prozesua "Ahotsik gabeko sarbidea" aukeraren bidez egin daiteke. Bertan, herritarrek larrialdietako lau talde handienetako bat aukeratu dezakete, Eusko Jaurlaritzako Segurtasun Sailak igande honetan jakitera eman duenez.

Hortik aurrera, erabiltzaileak txat batera sartuko dira. Bertan, larrialdi mota xehetasun handiagoz deskriba dezakete eta gertaeraren irudiak bidal ditzakete, une horretan argazki bat eginez edo gailu mugikorren galeriara sartuz.

112-SOS Deiak aplikazioa doakoa da, eta botoi bat sakatze hutsarekin 112 telefonoko operadoreekin harremanetan jartzeko aukera ematen du. Aplikazioaren ezaugarrietako bat da entzumen edo mintzamen zailtasunak dituzten pertsonei 112rekin komunikatzea errazten diela grafikoen bidez eta Euskadiko Larrialdiak Koordinatzeko Zentroko operazio-pantailetan zuzenean ikusi ahal izango den txat baten bidez, erabiltzaileak gertaerari buruz egoki irizten duen informazioa eman ahal izan dezan.

Horrez gainera, funtzionalitate aipagarrienen artean nabarmentzen dira Larrialdiak Pertsonalizatzea atal espezifikoak, eta, besteak beste, konfiguratu ahal izango dira Genero-indarkeriaAlderantzizko 112, herritarrei alerta geolokalizatuak eta larrialdi-egoeretan nola jokatu jakiteko informazio eta jarraibide zehatzak bidaltzeko aukera ematen duena, eta Bide segurua, adinekoak, mendian oinez dabiltzan pertsona edo txirrindulari bakartiak bilatzeko lanetako denborak murrizteko aukera ematen duena, ibilbideko azken minutuetako "trackean" sartzeko aukera emanda.

Hau zure interesekoa bada, baliteke beste gai hauek ere izatea
Mugikorretarako aplikazioak Euskadiko Larrialdien Zentroa