Gizartea -
Gertakaria
Kartzelan sartu dira Bilbon Eguberri egunean arma zuriz egindako erasoengatik atxilotutako hiru lagunak
Erasoa abenduaren 25ean egin zuten, 08:30 aldera, Indautxun, eta bi lagun zauritu ziren. Ertzaintzak asteartean atxilotu zituen 19, 21 eta 25 urteko erasotzaileak.
EITB MEDIA
Bilbon Eguberri egunean arma zuriz egindako erasoengatik atxilotutako hiru lagunak kartzelan sartzea ebatzi du epaileak, Ertzaintzak jakitera eman duenez.
Erasoa abenduaren 25ean egin zuten, Indautxun, 08:30 aldera. Orduan, hiru gizonezkok beste bi gizoni eraso zieten, arma zuriz; azken horiek zauritu egin ziren.
Ertzainek astearte goizean atxilotu zituzten ustezko hiru erasotzaileak, eta, asteazken goizean epailearen esku utzita, azken orduan Basauriko kartzelan sartzea ebatzi zuten.
Erlazionatutako edukiak
Hau zure interesekoa bada, baliteke beste gai hauek ere izatea