Guardia Zibilak 35 kilo material pirotekniko atzeman ditu Nafarroan, indarrean dagoen araudia urratzeagatik

Gabonen aurreko asteetan Guardia Zibilak 35 kilo material pirotekniko atzeman ditu Nafarroan zehar egin dituen prebentzio kontroletan. Guztira, 83.045 objektu pirotekniko konfiskatu dituzte 24 saltokitan.

Ikuskatze horietan egiaztatu dute merkataritza saltokiek araudia betetzen duten produktuak (ontziak, katalogazioa, etiketak, CE markak, segurtasun jarraibideak) saltzen dituzten, baita material piroteknikoa saltzeko nahitaezko baimena duten eta eskatutako segurtasun baldintzak betetzen dituzten (segurtasun sistemak, alarmak, suteen aurkako babesa).

Prebentzio kontrol horien ondorioz, Guardia Zibilak 83.045 objektu pirotekniko konfiskatu ditu material horiek saltzeko administrazio baimenik ez duten 24 saltokitan.

Atzemandako materiala Espainiako Gobernuak Nafarroan duen Ordezkaritzaren esku utzi dute, kasuan kasuko salaketak jartzeko.