Gizartea -
Bizkaia
Bederatzi autobus erre dira Erandion izandako sute batean
05:10 aldera piztu da sua Altzaga inguruan, Autobuses Pastorrek erabiltzen duen aparkaleku batean.
agencias | eitb media
Bederatzi autobus erre dira gaur goizaldean autobus aparkaleku batean piztu den sute baten ondorioz, Erandion (Bizkaia).
Eusko Jaurlaritzaren Segurtasun Sailak jakitera eman duenez, sua 05:10 aldera piztu da Altzaga inguruan, Autobuses Pastorren aparkalekuan.
Suhiltzaileek 06:10erako kontrolpean zuten sua, eta 07:45ean itzalita zegoen.
Guztira bederatzi dira suak kaltetutako autobusak, baina inor ez da zauritu. Ertzaintzak ikerketa ireki du gertatutakoa argitzeko.