Gizartea -
Aireportura bidean
Txorierriko igarobidean kamioi bat erabat gurutzatuta gelditu da
Istripuaren ondorioz kamioiari erregai-tanga hautsi zaio eta igarobidea erabat itxi behar izan dute aireportura noranzkoan.
Erredakzioa
Txorierriko igarobideko irteeratako bat, N-637 errepidean, aireportura eta Mungiara bidean, itxi egin behar izan dute kamioi baten istripuagatik, Ertzaintzak jakitera eman duenez, hala ere, errepidea garbitu ostean, 10:30ean irekita gelditu da.
Istripua 08:00etan gertatu da Zamudion (Bizkaia) eta kamioia erabat gurutzatuta gelditu da errepidean.
Honen ondorioz, kamioiari erregai-tanga hautsi zaio eta igarobidera erori da erregaia.
Ertzaintzaren arabera, istripuak kilometro bateko auto-pilaketak eragin ditu, errepidea garbitu duten arte.