Gizartea
TRAFIKO ISTRIPUA
Bi pertsona hil eta beste bat larri zauritu dira Ribaforadan izandako trafiko-istripu batean
EITB MEDIA
Zuhaitz baten eta zerbitzugunean aparkatutako kamioi baten kontra talka egin omen du autoak, 07:00ak pasata, A-68ko 108. kilometroan.
Bi pertsona hil dira igande honetan Ribaforadan (Nafarroa) izandako trafiko-istripu batean. Gainera, hirugarren pertsona bat oso larri dago.
Foruzaingoak zabaldutako informazioaren arabera, A-68 errepideko 108. kilometroan dagoen zerbitzugunean aparkatutako kamioi baten eta bertako zuhaitz baten aurka talka egin du autoak. Ibilgailuaren gidaria eta bidaiarietako bat (49 urteko emakumezko bat) dira hildakoak, eta oso larri dagoena, berriz, kopilotua (29 urteko gizonezko bat).
Ezbeharra 07:00ak pasata jazo da. Anbulantziak, suhiltzaileak eta Foruzaingoko patruilak bertaratu dira, eta ikerketa abiatu dute istripuaren nondik norakoak argitzeko.
Ribaforadako istripua. Argazkia: Foruzaingoa
