Emakume bat hil da Busturian, sute baten ondorioz

23:00ak aldera piztu da bart sutea, San Cristobal auzoko etxebizitza batean. Bi pertsona zaurituta eraman dituzte Galdakaoko eta Gernikako ospitaleetara.

Sutea izan den baserria. Argazkia: EITB Media — Emakume bat hil da Busturian, bere baserriak su hartu ostean

EIDER JAUREGI OIARTZABAL | EITB MEDIA

publikatuta: 2023/02/11 07:54 (UTC+1)

azken eguneratzea: 2023/02/11 13:36 (UTC+1)

Emakume bat hil da bart Busturian, etxebizitza batean piztu den sutearen ondorioz eta beste bi lagun ospitalera eraman dituzte arnastutako kearen ondorioz.

Eusko Jaurlaritzako Segurtasun Sailak jakitera eman duenez, 23:00ak aldera piztu zen atzo sutea San Cristobal auzoko etxebizitza batean, oraindik argitu gabeko arrazoiengatik.

Sutea piztu zen unean lau pertsona zeuden etxean, bat hil egin da eta beste bi zaurituta eraman dituzte Galdakaoko eta Gernikako ospitaleetara. Bizkaiko suhiltzaileek azaldu dutenez, bihotz geldialdian erreskatatu dute hildakoa.

Ertzaintzak ikerketa ireki du gertatua argitzeko.

Hau zure interesekoa bada, baliteke beste gai hauek ere izatea

Azken ordukoa Bizkaia EAE albisteak Suteak bideoak Gizartea bideoak Prentsa digitalaren azken orduko Gaurko azken ordukoa Suhiltzaileak albisteak

Emakume bat hil da Busturian, sute baten ondorioz

Esteka kopiatuta