5 edukiontzi erre, eta hiru kotxetan kalteak eragin dituzte, Bilbon

Bost edukiontzi erre dituzte bart Errekaldeberri auzoan, Bilbon. Sugarren eta beroaren ondorioz, ondoko hiru kotxe kaltetu dira eta soinua ekiditeko A-8 autobidean dauden paneletan ere kalteak eragin ditu suteak, Herrizaingo Sailak jakitera eman duenez.

05:00ak aldera geratu da, Tolosa kalean. Bost edukiontzi erre eta ondorioz, ondoko hiru kotxek kalteak izan dituzte. Suhiltzaileek itzali dute sua eta Ertzaintza gertatutakoa ikertzen ari da.