Gizartea
TRAFIKOA
AP-8a lau orduz itxi behar izan dute Eibarren, Bilborako noranzkoan, bi ibilgailuk istripua izan ondoren
EITB MEDIA
15:00ak aldera autobidea berriz zabaldu dute. Zirkulazioa N-634 errepidetik bideratu dute.
Kamioi batek eta auto batek istripua izan dute gaur goizean AP-8 autobidean, Eibar parean, eta errepidea itxi dute Bilborako noranzkoan, Eusko Jaurlaritzako Segurtasun Sailak jakinarazi duenez. 15:00ak aldera autobidea berriz zabaldu dute.
Ezbeharraren eraginez, bi erreiak itxi dituzte, eta, ondorioz, hiru kilometroko auto ilarak sortu dira AP-8an, eta kilometro ingurukoak, AP-1ean. Dena dela, 12:45erako amaitu dira.
Autobidea zabaldu bitartean, trafikoa N-634 errepidetik bideratu dute.
