Nahitaezkoa da jada ibilgailuetan etilometroa eramatea, Frantzian

Indarrean sartu da jada Frantzian zirkulatzeko ibilgailuan arauzko etilometro bat eramateko betebeharra.

Botatako arnasaren alkohol-tasa neurtzeko gailuek Frantziako araudia bete beharko dute. Neurria gidari frantsesei eta atzerritarrei eragiten die, eta ziklomotorrek ez beste ibilgailu motordun guztiek eraman beharko dute.

Etilometroak kimikoak edo elektronikoak izan daitezke, eta erabilera bakarrekoak badira, fabrikatzaileak ezarritako iraungipen-data kontuan izan beharko da. Botatako arnasaren alkohol-tasa neurtzeko gailuak farmazietan, supermerkatuetan, ibilgailuen sektoreko dendetan, gasolindegietan eta Interneten eskuratu ahalko dira. Frantziako araudia betetzen duten etilometroak "1 klasekoak" dira, eta NF X20704 araua bete beharko dute.

Arauzko etilometro bat ez duen gidariari 11 euroko isuna ezarriko diote, eta 33 eurokoa izatera ere irits daiteke. Frantziako agintariek adierazi dutenez, araua gaur indarrean sartu bada ere, arau-hausteak ez dira azaroaren 1era arte salatuko.