Gizartea -

Nafarroa

67 urteko gizon bat hil da Berroetan aldamio batetik behera jausita

Semeetako baten etxeko fatxadan lanak egiten ari zen Gartzaingo (Baztan) bizilaguna da zendutakoa.

Ezbeharra lanetan ari zen etxe batean jazo da. Argazkia: Foruzaingoa
Ezbeharra lanetan ari zen etxe batean jazo da.
Ezbeharra lanetan ari zen etxe batean jazo da. Argazkia: Foruzaingoa

EITB Media

Whatsapp Facebook Twitter Telegram Email

67 urteko gizonezko bat hil da gaur Berroetan (Nafarroa), semeetako baten etxeko fatxadan lanean ari zela aldamiotik behera jausita, Foruzaingoak jakinarazi duenez.

"Etxeko istripua" —hala jo du Foruzaingoak berak— 09:00ak aldera jazo da, Baztango udalerri horretako Nagusia kalean. Hildakoa Gartzaingo (Baztan) herriko bizilaguna zen, eta semeari konponketa lanekin laguntzen ari zen, ezbeharra izan duenean. 

Iruñeko eta Elizondoko agenteak bertaratu dira, baita osasun zerbitzuak ere, baina haren heriotza baieztatu besterik ezin izan dute egin.

Hau zure interesekoa bada, baliteke beste gai hauek ere izatea
Nafarroa Gizartea Eguneko albisteak Albisteak Foruzaingoa