Gizartea -
Lan istripua
Gizon bat zauritu da Eugin, baso-lanetan ari zela zuhaitz bat gainera erorita
Eguerdian izan da istripua Bordaxar inguruan. 50 urteko langilea Unibertsitate Ospitalera eraman dute pronostiko erreserbatuarekin.
EITB Media
50 urteko gizonezko bat zauritu da gaur eguerdian Eugin, baso-lanetan ari zela zuhaitz bat gainera erori zaionean.
Larrialdi zerbitzuek 12:05ean jaso dute abisua eta suhiltzaileen helikopteroa, Foruzaingoa eta Bizi-euskarri Aurreratuko anbulantzia bat bertaratu dira. Helikopteroaren garabiarekin askatu dute gizona eta Iruñeko Unibertsitate Ospitalera eraman dute politraumatismoekin eta pronostiko erreserbatuekin.
Tentsio-altuko lineari eragin dio arbolaren erorketak, baina berehala konpondu dute arazoa.
Hau zure interesekoa bada, baliteke beste gai hauek ere izatea