Gizartea -
Liskarra
Bilboko liskarrean atxilotutako gizon batek birika zulatuta dauka
Ertzainak heldu direnean, borrokan parte hartu duen gizonetako bat lurrean aurkitu dute. Zauriak zituen lepoan, belaunean eta bizkarrean.
Erredakzioa
Ertzaintzaren agenteek bost pertsona atxilotu dituzte Bilbon suertatutako borroka bategatik. Horietako bat ospitalera eraman behar izan dute, birika batean zulo bat egin baitiote, Herrizaingo sailak bidalitako ohar baten arabera.
Liskarra goizeko hiru eta erdietan gertatu da, Casilla plaza inguruan.
Ertzainak heldu direnean, borrokan parte hartu duen gizonetako bat lurrean aurkitu dute. Zauriak zituen lepoan, belaunean eta bizkarrean, eta Basurtuko ospitalera eraman dute.
Atxiloketak Casilla inguruan
Zaurituak ospitalean jarraitzen du, bizkarrean jasotako labankadak birikia zulatu ziolako. Noiz deklaratuko duen zain dago.
Ondoren, Poliziak liskarrean parte hartu zuten beste lau pertsona atxilotu ditu Casillako plaza inguruan. Denek zituzten labankada zauriak, kontusioak eta odol orbanak.