Gizartea -
Sutea
Emakume bat erietxera eraman dute Irungo etxebizitza bateko sutean kea arnasteagatik
Sua 14:30 aldera piztu da Elizatxo etorbideko eraikin batean. Bizilagunak etxetik atera behar izan dituzte.
EITB Media
Emakume bat ospitalera eraman behar izan dute, Irungo etxebizitza batean piztutako sutean kea arnastu duelako, Eusko Jaurlaritzako Segurtasun Sailak eta Gipuzkoako Foru Aldundiko suhiltzaileek jakitera eman dutenez. Ez da biktima gehiagorik erregistratu.
Sua 14:30 aldera hasi da, Elizatxo etorbideko eraikin batean eta bizilagunak etxetik atera behar izan dituzte.
Horiek adierazi dutenez, sua berehala zabaldu da etxebizitzan eta garrek eta keak kalte handiak eragin dituzte.
Suhiltzaileek 16:20 aldera lortu dute sutea itzaltzea.
Hau zure interesekoa bada, baliteke beste gai hauek ere izatea