Autoan erretzea galarazi beharko litzateke?

Tabakoaren aurkako Legearen zenbait alderditan aurrera egitea eta kotxea bezalako leku itxietan erretzea debekatzeak urtero Espainian gertatzen diren sute kopurua jaistea ekarriko lukeela uste du Joseba Zabalak. Zabala osasun publikoan aditua den medikua da, eta “Porque nosotros sí!” egitasmoa koordinatzen du. Erakunde horrek Tabakoaren Legearen erreforma berri bat eskatzen duten 250 elkarte baino gehiago biltzen ditu.

Gauzak horrela, zigarro puntek Espainiako hainbat lekutan dauden sute asko eragin dituztela nabarmendu nahi izan du.

Herritar egitasmo horren koordinatzaileak auto batetik zigarro puntaren bat botatzeak 200 euroko isun bat eta gidatzeko karnetaren 4 punturen galera ekarriko lukeela ohartarazi du. Dena den, gizalegearen aurka joatea ez ezik, “atentatu ekologiko bat” sorrarazi dezakeela gaineratu du.

"Ebidentzia zientifikoa"

“Nabarmena da autoan erretzeak kaltea eragiten diela barruan doazenei, batez ere umeei, baina horrez gain bideko segurtasunaren eta ingurugiroaren aurkako eraso bat izan daiteke, adibidez Alt Empordáko kasuan”, azaldu du.

British Medical Association elkarteko mediku britainiarrek planteatu duten antzera, Espainian ere autoetan erretzea debekatzeko eztabaida planteatu beharko litzatekeela uste du Zabalak.