Ertzaintza haur baten bahiketa saiakera ikertzen ari da Bilbon

Ertzaintza atzo eguerdian Bilbon gertatutako ustezko bahiketa saiakera ikertzen ari da. Antza denez, gizon bat haur bat bahitzen saiatu zen Autonomia kalean.

Eusko Jaurlaritzako Segurtasun Sailak baieztatu duenez, salaketa jarri dute, eta gertatutakoa ikertzeko eginbideak hasi ditu Ertzaintzak.

Deia egunkariak zabaldutako informazioaren arabera, aita bat bi semerekin denda baten barruan zegoela, gizon batek txikienari eskutik heldu zion eta ihes egiten saiatu zen. Aita ustezko bahitzailearen atzetik abiatu zen, eta hura harrapatutakoan, ukabilkada bat eman zion eta lurrera bota zuen.