Gizartea -
Bilborako sarbidea
Sabino Aranako sarbidea itxiko dute gaur gauean, Bilbon
A-8ko sarbide berriko eraikuntza obrak 2009 urteko lehen hilabeteetan hasi ziren, eta, dirudienez, hurrengo urteko neguan egongo dira bukatuta.
Erredakzioa
Bilboko sarbideko Sabino Arana errepideko ezkerreko erreiak itxiko dituzte gaur gauean, Bilboko Udalak iragarri duenez.
San Mames inguruko sarbide berrien egokitzapen lanengatik egingo dute. Ostegun goizaldeko 01:00a eta 05:00ak bitartean izango da, eta A-8 autobidea eta Sabino Arana kalea batzen dituzten 3 bideak itxiko dituzte.
Handik igaroko behar ziren ibilgailuak Burdinbide kaletik, Egia jeneralaren kaletik eta Areiltza doktorearen zumarkaletik bideratuko dituzte.
Hurrengo negurako
A-8ko sarbide berriko eraikuntza obrak 2009 urteko lehen hilabeteetan hasi ziren, eta, dirudienez, hurrengo urteko neguan egongo dira bukatuta. 215 milioi inguru bideratu dituzte lan horietarako, eta San Mames ingurua birmoldatzea eta Sabino Arana biaduktua eraistea ekarri dituzte. Orain arte Santa Ana, Altamira, Basurtu, Olabeaga, Lezeaga eta Bentazarra auzoko herritarrek jasaten dituzten zaratak desagertu egingo dira.
