Gizartea -
Drogaren aurkako operazioa
Droga kontserba potoetan ezkutatzen zuten hainbat lagun, atxilotuta
Ustez haxixa Nafarroako Erriberako kontserba potoetan ezkutatu eta horrekin trafikatzen zuen talde bat desegin du Poliziak. Haxixa speedaren truke aldatzen zuten, Herebeheretan.
Erredakzioa
"Capea " izeneko operazioan, taldeko enpresetako baten kamioi bat ere atzeman dute. Kamioi horrekin Herbehereetara 675 kilo haxix eraman nahi zituzten eta bertan 200 kilo speeden truke aldatu behar zuten.
Ikerketaren arabera, haxixa Valentzian eskuratzen zuten eta zaldiak eramateko kamioiak erabiltzen zituzten droga alde batetik bestera eramateko. Gainera, Poliziak jakin duenez, "Los Miami" sikario taldeak Nafarroako taldeari estortsioa egin behar omen zion zorrak ordain zitzaten.
Talde horretako kideak Madrileko luxuzko gune batean bizi ziren eta Nafarroako erriberako taldearekin harremanean zeuden.
Atxiloketez gain, 25 etxebizitza eta enpresa miatu dituzte eta 675 kilo haxix. 4,3 kilo speed, 100 marihuana landare, kokaina, ketamina, kristala eta beste hainbat substantzia atzeman dituzte.