Gizartea -
Sutea
Sute batek kalteak egin ditu sukalde enpresa batean, Hernanin
Goizeko bostetarako, sua guztiz kontrolatuta zegoen. Sugarrek kalteak egin dituzte instalazioetan, baina ez da inor zauritu.
Erredakzioa
Sute batek kalteak egin ditu Indartu sukalderako altzarien fabrikan, Lastaola industrialdean, Hernanin (Gipuzkoa). 01:10etan piztu da sutea enpresaren biltegi eta muntaketa zonaldean. Herrizaingo Sailaren informazioaren arabera, oraindik ez dakite sua nola piztu den.
Goizeko bostak aldera, suhiltzaile taldeak guztiz kontrolatuta zuen sutea. Ez da inor zauritu, baina sugarrek kalteak egin dituzte instalazioetan.
Suhiltzaileen lana errazteko, Ertzaintzak Goizuetarako errepidea itxi du, eta ibilgailuak Ibarluzea industrialdetik bideratu ditu.