Gizonezko baten gorpua aurkitu dute Barrikako amildegi batean

Ertzaintzak gizonezko baten gorpua aurkitu du gaur arratsaldean Barrikako hondartzatik gertu, amildegi batetik eroritako ibilgailu baten ondoan. Hildakoa nor den oraindik ez dakitela adierazi du Herrizaingo Sailak.

Helikoptero bat erabili behar izan dute gorpua erreskatatzeko. Ertzaintzak azaldu duenez, auzotar batek Sos Deiak-i hots egin dio, Barrikako hondartzatik gertu dagoen amildegi batean ibilgailu bat zegoela ohartaraziz.

Suhiltzaileak eta osasun-zerbitzuak berehala joan dira tokira, baita Ertzaintzaren helikoptero bat ere.