Gizartea -
Gertakaria
Desagertuta zegoen gizon baten gorpua topatu dute Alonsotegin
Senideek 11:00etan eman dute 41 urteko gizonaren desagerpenaren berri, eta 15:30ean Cadagua ibaian aurkitu dute, hilik.
M. D. | EITB Media
41 urteko gizon baten gorpua aurkitu dute Cadagua ibaian, Alonsotegin (Bizkaia). Goizetik zegoen desagertuta gizona, Segurtasun Sailak esan duenez.
11:00etan, gizonaren senideek desagerpenaren berri eman diote Ertzaintzari.
Balmasedako Ertzain-etxeko eta urpeko igeriketa taldeko agenteek parte hartu dute bilaketa lanetan. 15:30 aldera, urpekariek gorpua topatu dute, lurpeko kanal batean.
Osasun langileek gizonaren heriotza konfirmatu dute. Ertzaintzak ikerketa abiarazi du.
Hau zure interesekoa bada, baliteke beste gai hauek ere izatea