Gizartea -
SUTEA
Sute batek kalte handiak eragin ditu Amezketako enpresa batean
Ola auzoan dagoen lantegi batean piztu da sua, 08:30 inguruan, eta bertaratu diren suhiltzaileek esan dutenez, kalteak handiak izan daitezke. Suak eraikina "erabat hartuta" duela jakinarazi dute.
EITB MEDIA
Sute bat piztu da gaur goizean Amezketako Ola auzoko enpresa batean. Gutxienez, hiru suhiltzaile talde bertan daude lanean, eta lehen informazioen arabera, kalteak handiak izan daitezke. Itzaltze lanetan ari diren suhiltzaileek sare-sozialetan esan dute "suak enpresa erabat hartuta" duela.
Eusko Jaurlaritzako Segurtasun Sailak esan duenez, 08:30 inguruan piztu da sua. Inguruan aparkatuta zeuden zenbait ibilgailu erabat kiskalita geratu dira.