Gizartea -
ERASOA
Gizon batek hiru pertsona zauritu ditu labankadaz Parisko tren geltoki batean, eta bat larri dago
Poliziak ikerketa abiatu du gertakariaren inguruko nondik norako guztiak argitzeko. Paris-Lyon geltokian, gorabeherak egon dira tren zerbitzuan.
agentziak | eitb media
Gizon batek gutxienez hiru pertsona zauritu ditu labankadaz Parisko geltoki batean, eta zaurituetako bat larri dago.
Erasoa goizeko zortziak aldera gertatu da, Paris-Lyon geltokiko lurpeko 3. pabiloian.
Parisko Polizia Agintaritzak jakinarazi duenez, erasotzaileak Italiako gidabaimena du, eta atxilotu egin dute. Poliziak ikerketa abiatu du gertakariaren nondik norako guztiak argitzeko.
Erasoaren ondorioz, gorabeherak egon dira Paris-Lyon geltokian.