Gizartea -
Gertaera Nafarroan
Zazpi pertsona zauritu dira Larrasoañan, auto-istripua izanda
Istripua 10:17an izan da, oraindik ezagutzen ez diren arrazoengatik, bi autok aurrez aurre talka egin dute.
Erredakzioa
Zazpi pertsona zauritu dira auto-istripua izanda, N-135 errepidean, Larrasoañan (Nafarroa).
Istripua 10:17an izan da, errepide horretako 15.3 kilometroan, oraindik ezagutzen ez diren arrazoengatik. Guardia Zibilak azaldu duenez, bi ibilgailuk aurrez aurre talka egin dute.
Istripuaren ondorioz, sei pertsonak hainbat motatako zauriak jasan dituzte, eta bat ibilgailuaren barruan harrapatuta gelditu da, Guardia Zibilak jakitera eman duenez. Larrialdietako zerbitzuek atera behar izan dute ibilgailutik. Zaurituak Iruñeko ospitaletara eraman dituzte.
