Gizartea -
Trafikoa
AP-8ko Donostiako bigarren ingurabidea 49 orduz itxiko dute Bilborako noranzkoan
Autobidea itxita egongo da larunbatetik astelehenera, martxoaren 16ko 04:00etatik martxoaren 18ko 05:00etara.
EITB MEDIA
Asteburu honetan, AP-8ko Donostiako bigarren ingurabidearen zati osoa itxita egongo da Bilborako noranzkoan, Urumeako zubibidean errodadura geruza berria zabaltzeko. Larunbatetik astelehenera arte itxiko dute, martxoaren 16ko 04:00etatik asteleheneko 05:00ak arte.
Mozketak 8 kilometroko tarteari eragingo dio, Errenterian 12,000 kilometro puntutik eta Astigarraga-Donostia pareko 20,000 kilometro punturaino. Alternatiba gisa, GI-20 errepidetik desbideratuko dute trafikoa, Aritzetan (Usurbil) AP-8arekin bat egiteko. Astigarraga, Hernani edo Iruñerantz doazenek 5. irteera erabili ahalko dute eta GI-40 eta A-15 errepideetatik jarraitu. Autobidea zabalik egongo da Behobiarako noranzkoan.
Errepide tarte hori itxita dagoen bitartean, fresaketa lanak egin, dilatazio junturak babestu eta errodadura-geruza berria zabalduko dute.