Gizartea -
Gertakizuna
Lau pertsona zaurituta Portugaleten, pub bateko sabaia gainera erorita
Emakumezko zerbitzari bat eta hiru bezero dira zauritutakoak. Antza denez, ez daude larri.
Erredakzioa
Lau pertsona zauritu dira gaur goizaldean Portugaleten (Bizkaia), pub bateko sabaia gainean erorita.
Herrizaingo Sailak jakinarazi duenez, istripua 00:45ean jazo da, Correos kaleko 32. zenbakian.
Ordu horretan, sabaia jausi egin da, eta emakumezko zerbitzari bat eta hiru bezero zauritu dira. Laurak Gurutzeta Ospitalera eraman dituzte, eta badirudi zauriak ez direla larriak.
Ertzaintza, suhiltzaileak eta anbulantziak bertaratu dira, eta gertatutakoa zerk eragin duen ikertzen ari dira.
Hau zure interesekoa bada, baliteke beste gai hauek ere izatea