Bideo erotikoa egin zuen PSOEko zinegotziak ez du dimisioa emango

Olvido Hormigos Carpio Yebeneseko (Toledo) udaleko zinegotziak dimisioa ez duela emango konfirmatu du, nahiz eta bere bideo erotiko bat Interneten agertu.

PSOEko zinegotziak adierazi duenez, bere bideo erotikoa, Interneten zabaltzeaz gain, Alkatetzako helbide baten bidez ere zabaldu dute.

Ser irratian egindako elkarrizketan, Hormigosek onartu egin du "momentu latzak" bizi dituela, eta asteazkenean salaketa aurkeztu zuela Guardia Zibilaren kuartelean bideoa Alkatetzatik zabaldu zutelako.

"Alkatetzatik bidalitako mezu elektroniko bat jaso dut, eta korreo horretan bideoa atxikita agertzen da", esan du Hormigosek. Bere hitzetan, aurretik bideoa 'WhatsApp' bitartez eta herriko foro batean, "iradokizun eta guzti", zabaldu izana salatu zuen.

Oposizioko zinegotziak esan du ez duela herriko alkatearekin hitz egin, mezu elektronikoa jaso bezain laster Guardia Zibilarengana jo zuelako.