Gizartea -

POLIZIA OPERAZIOA

Gizon bat atxilotu dute Hazparnen, Irunen apirilean izandako hilketaren egilea delakoan

Atxilotua Irungo Epaitegira eraman dute goizean, eta deklarazioa hartu ondoren, epaileak espetxera bidali du. Indarkeria zantzuak zituen hilda aurkitu zuten gizonezkoak.

40 urte inguruko gizonezko bat atxilotu zuten atzo Hazparnen (Lapurdi). Argazkia: EFE
40 urte inguruko gizonezko bat atxilotu zuten atzo Hazparnen (Lapurdi). Argazkia: EFE
40 urte inguruko gizonezko bat atxilotu zuten atzo Hazparnen (Lapurdi). Argazkia: EFE

EITB MEDIA

Whatsapp Facebook Twitter Telegram Email

40 urte inguruko gizonezko bat atxilotu zuten atzo Hazparnen (Lapurdi), joan den hilean Irunen izandako hilketaren egilea delakoan. Indarkeria zantzuekin aurkitu zuten gorpua San Miguel auzoko baratze eremu batean, apirilaren 14an.

Eusko Jaurlaritzako Segurtasun Sailak azaldu duenez, atxilotutako gizonezkoa Irungo Epaitegira eraman dute gaur goizean, eta deklarazioa hartu ondoren, zaintzako epaileak espetxera bidali du. Ertzaintzak eta Jendarmeriak elkarlanean burutu dute operazioa.

Ikerketako iturriek azaldu dute susmagarria identifikatu eta Lapurdin bizi zela jakin zutenean, Irungo Epaitegira igorri zutela informazioa eta epaileak ustezko hiltzailea atxilotzeko eta entregatzeko euroagindua eman zuela. 

Apirilaren 14an aurkitu zuten gorpua San Miguel eta Anaka auzoak banatzen dituen zelai batean. 30 bat urteko gizonezko magrebtar bat zen hildakoa.

40 urte inguruko gizonezko bat atxilotu zuten atzo Hazparnen (Lapurdi). Argazkia: EFE

 

 

 

Hau zure interesekoa bada, baliteke beste gai hauek ere izatea
Gipuzkoa Gizartea Eguneko albisteak Irun Albisteak Krimenak azken ordukoa