Gidari mozkor bat atxilotu dute hainbat lagun harrapatzeagatik

Gidari bat atxilotu dute bart Legazpin ausartegi gidatzeagatik eta hainbat lagun harrapatzeagatik. Eusko Jaurlaritzako Herrizaingo Sailak jakitera eman duenez, 04:00ak aldera Legazpiko Plazaola kalean jazotako eta BMW ibilgailu batek ustez eragindako auto-istripu baten berri jaso du Ertzaintzak.

Abisua eman dutenen arabera, gidariak ausartegi gidatu du eta maniobra arriskutsuak egin ditu. Ondoren, hainbat lagun harrapatu ditu eta bertatik ihes egin du.

Minutu batzuk beranduago, Ertzaintzak ibilgailu hau atzeman du GI-2630 errepidean. Gidariak abiadura bizkortu du baina azkenean, Ertzaintzak autoa gelditu du.

Alkohola-tasa neurtzeko frogak egin dizkiote, eta botatako aire litro bakoitzako 0,66 miligramo alkohol eman du gidariak. Ondorioz, bertan atxilotu egin dute. Honek autoarekin harrapatutako lagunei dagokionez, bi gazte Zumarragako Ospitalera eraman dituzte, hanketan zauriak jasan ostean.

Ertzaintzak ikerketa bat abiatu du istripuaren nondik norakoak argitzeko.