Bikotekide ohiari eraso egitegatik gazte bat atxilotu dute Sestaon

Ertzaintzak 22 urteko gazte bat atxilotu du bart Sestaon, urruntze agindua urratu eta bikotekide ohiari eta honen beste bi laguni eraso egiteagatik.

Herrizaingo Sailak adierazi duenez, erasoa 04:00etan gertatu da, Kasko Plazan.

Biktima beste bi lagunekin zegoen metroko geltoki ondoan. Ustezko erasotzaileak taberna baten kanpoan itxaron eta ondoren, eraso egin diela kontatu dute.

Gizonezkoak biktima bati zigarro batekin sorbaldan erre dio.

Ertzaintzak gizonezkoa erasoa gertatu den tokitik hurbil topatu du eta atxilotu egin dute.

Gainera, bikotekide ohiarekiko urruntze agindua zuela konprobatu dute.