Gizartea -
Zierbenako basoan
Suhiltzaileek Serantes mendian piztutako sutea itzali dute
Serantes mendiko basoberan piztu da sua eta bertara iristea oso zaila izan da, horregatik, suhiltzaileak eskuz aritu dira sua itzaltzeko lanak egiten. Bost ordu baino gehiago behar izan dituzte.
Erredakzioa
Bizkaiko Aldundiko suhiltzaileek Serantes mendiko baso gune batean piztu den sutea itzaltzea lortu dute, Zierbenan, itzaltze lanetako zerbitzuek jakitera eman dutenez. Bost ordu baino gehiago behar izan dituzte sua guztiz itzaltzeko.
Sutea 16:15ean piztu da mendiko basoberan. Bertara iristea oso zaila izan da, horregatik, suhiltzaileen lana ere zaildu egin dela adierazi dute. Ura ponpatzen duten lau kamioi joan dira bertara.
Ez du inguruko bizilagunetatik inork haren etxetik alde egin beharrik izan, eta ez da inor zauritu, sugarrak ez direlako haien ingurura bertaratu.