Beste amets bat egia bihurtuta: loditzen ez duen ogia!

Produktua Cristina Molina-Rosell eta Concha Collar CSICeko Nekazaritza Kimika eta Elikagaien Institutuko ikertzaileek sortu dute, eta ogia, opilak edo gailetak egiteko beste osagai bat bezala erabil daiteke.

Ikerketa Zientifikoen Kontseilu Goreneko asmatzaileek azaldu dutenez, ogia kaloria gutxikoa da, eta zuntz asko eta zapore eta testura atseginak ditu.

Formulari esker, ogiak % 45 kaloria gutxiago izango ditu, eta horri zuntzak gure osasunean dituen onurak gehitu behar zaizkio.

Ikertzaileen hitzetan, produktu berria egiteko zuntza iturri askotatik (landareak, tuberkuluak, lekadunak) lor daiteke, eta, gainera, zuntz disolbagarri asko du; gaineratutako zuntzaren % 10 eta 40 bitartean.