Gizon bat atxilotu dute emazteari jotzeagatik, Elgoibarren

Ertzaintzak 22 urteko gizonezko bat atxilotu zuen atzo Elgoibarren (Gipuzkoa) bikotekideari jotzeagatik eta herio-mehatxuak egiteagatik, Herrizaingo sailak jakitera eman duenez.

Biktimak berak eman zion abisua Ertzaintzari. Bikotekidearen kolpeak jaso zituela eta, bertaratzea eskatzen zien ertzainei, 15:00ak aldera.

Ertzaintzak etxeko atarian aurkitu zuen gizonezkoa, eta gertatutakoa baieztatu ondoren, atxilotuta eraman zuten.

Biktima ospitalera eraman zuten.

Emakumeen kontrako indarkeriaren biktimen arretarako telefonoa: 016.