Ataun inguruan desagertu den gazte baten bila ari dira

21 urteko gizonezko bat desagertu zen atzo Ataun (Gipuzkoa) inguruan, bizikletan ibiltzera joan ostean, Radio Euskadik jakitera eman duenez.

Familiak salaketa jarri zuen gauean etxera itzultzen ez zela ikusita, eta larrialdi zerbitzuetako kideek eta boluntarioek bilaketa-lanei ekin zieten. Gaur goizean berriro hasi dira bilaketa-lanak.

21 urteko gaztea arratsaldean irten zen mendiko bizikletarekin ibiltzera eta gaueko hamarretarako oraindik ez zen etxera itzuli.

Ertzaintza, larrialdi zerbitzuak, DYA eta boluntarioak goizaldeko bostak arte aritu dira Ataun eta Lazkao (Gipuzkoa) inguruan, Lizarrusti mendatetik abiatuta.