Gizartea -
Gertakaria
Sute bat piztu da Bilbon, eta 15 solairuko eraikin bat hustu dute
09:40 aldera piztu da sua, Otxarkoaga auzoko Larrakoetxe kalean dagoen eraikineko bederatzigarren solairuan. Anbulantziak pertsona bat artatu behar izan du.
Erredakzioa
Sutea izan da gaur goizean Bilbon eta ondorioz 15 solairuko eraikina jendez hustu behar izan dute, Herrizaingo Sailak jakitera eman duenez.
Sua 09:40 aldera piztu da, Otxarkoaga auzoan. Larrakoetxe kaleko eraikin bateko bederatzigarren solairuan izan da sutea.
Eraikinetik atera behar izan duten pertsonetako bat anbulantzian artatu dute.
Suhiltzaileek 10:45erako lortu dute sua kontrolatzea.