Gizartea -
Tren batek kolpatuta
Gizon bat hil da Alegian, tren batek kolpatuta
Eitb.com-ek jakin duenez, gertakaria 14:30ean izan da, tren batek Alegiako tren geltokian zegoen gizon bat kolpatu duenean.
Erredakzioa
Gizon bat hil da Alegian (Gipuzkoa) tren batek kolpatu ostean, nahiz eta oraindik ez diren zehaztu ahal izan istripuaren nondik norakoak.
Ertzaintzak eitb.com-i azaldu dionez, ezbeharra 14:10 aldera izan da, Tolosarako norabidean zihoan tren batek Gipuzkoako herriko tren-geltoki alboan zegoen gizon bat jo duenean. Larrialdi zerbitzuak iristerako, gizonezkoa hilik zegoen. Donostiarako noranzkoan tren zerbitzua geldituta egon da ordubete inguruz, baina dagoeneko abiarazi dute zerbitzua.
Hilotza Auzitegiko Mediku Gunera eraman dute, heriotzaren nondik-norakoak azalduko dituen azterketa sakonago bat egiteko asmoz.
