Gizartea -
Sutea
Sute batek etxebizitza bat erre du Errazkinen, Nafarroan
Su-hiltzaileak gerturatu direnerako etxeko barnealdea eta teilatua erreta zeuden. Gainera, suteraren ondorioz teilatua hondoratu egin da.
Erredakzioa
Zauriturik eragin ez duen sute batek Larraun bailarako Errazkin herriko etxebizitza bat erre du, Nafarroako Foro Gobernuak azaldu duenez.
Nafarroako Larrialdi Zerbitzuak goizeko bederatziak aldera jaso du abisua, eta su-hiltzaileak gerturatu direnerako etxeko barnealdea eta teilatua erreta zeuden. Suteraren ondorioz, gainera, teilatua hondoratu egin da.
10:15etan kontrolatua
Gobernuak komunikatu baten bitartez azaldu duenez, sua 10:15etan kontrolatu dute. Dena den, bertaratu diren su-hiltzaile batzuk eguerdira arte geratu dira bertan, erremate eta freskatze lanetan.
Hau zure interesekoa bada, baliteke beste gai hauek ere izatea