7 hilabeteko zigorra Donostian neskalaguna jotzeagatik

Zazpi hilabeteko kartzela-zigorra ezarri diote iaz Donostiako kale batean bere neskalaguna jo zuen gizonari.

Sententziaren arabera, gertakariak 2011. urteko urriaren 31n gertatu zen, bikotea Gipuzkoako hiriburuko Amezketa kalean eztabaidaka hasi zenean. Eztabaidan zehar, gizonak emakumea bultzatu eta lurrera bota zuen, eta lurrean zegoela ukabilkadak eta ostikoak eman zizkion.

Jarraian, akusatuak iletik heldu eta hainbat metroz arrastaka eraman zuen, lanean ez zegoen udaltzain batek gelditzeko agindua eman eta emergentzia-zerbitzuei deitu zien arte.

2 urteko urruntze-agindua

Kaltetuak ez zuen gertakari horregatik salaketarik jarri, eta salatuaren aurka jarri zitzakeen ekintza zibil eta penalak erabiltzea ukatu zuen.

Epaileak zazpi hilabeteko zigorra ezarri dio akusatuari ohikoak ez diren tratu txarrengatik, eta, hori dela eta, bere biktimarengana ez hurreratzeko eta berarekin ez komunikatzeko agindua eman dio.