Bi langile hil dira Madrileko tunel batean izandako sutearen ondorioz

M-30eko mantenu lanetako bi pertsona hil dira ostiral honetan, errepide horretako tunel batean izandako sutearen ondorioz.

Madrileko Udaleko Suhiltzaileek aurkitu dituzte mantenu enpresako teknikoen gorpuak tunelaren barruan, Madrileko larrialdietako zerbitzuek jakitera eman dutenez.

Bertaratu diren agenteek ikerketa abiarazi dute M-30eko mantenu lanetan ziharduten bi langileen heriotzaren arrazoiak ikertzeko.

Sutea oraindik argitzeke dauden arrazoiengatik piztu da, 17:30ean, eta 30 kaleko elektrizitate sistema osatzen duten 70 bateria inguru kaltetu ditu.

Berehala Madrileko Udaleko suhiltzaileak bertaratu dira, 3 ponpekin eta babeseko 5 autorekin. Horien bidez, sutea itzali ahal izan dute.

M-30 errepideko trafikoa moztu egin behar izan dute, A-3rako sarbidearen eta Vicente Calderon estadioaren artean, bidearen segurtasuna bermatu ahal izan duten arte.