Bere burua balkoitik bota du bikotekidearengandik ihes egiteko

Platja d'Aroko Udaltzaingoak eta Esquadrako Mosseok gizonezko bat atxilotu dute neska-lagunari eraso egitea egotzita. Neska-lagunak 20 urte ditu eta bere burua balkoitik behera bota zuen Miramar kaleko lehen pisu batetik, jipoia saihesteko.

Platja d'Aroko Udalak aditzera emandakoaren arabera, gertaera iragan asteko bukaeran jazo zen. Gizonezkoa, 29 urteko Abdellah T., atxilotu zutenean eta bikotekideari eraso egin zion ala ez galdetu ziotenean, honakoa erantzun zuen: "Ez dut inor hil, holako gauzak gertatu egiten dira... emakumeak!".

Biktima kalean botata aurkitu zuten udaltzainek, zauriak eta bizkarreko mina zituela. Erasotzailearengatik galdetu ziotenean, mutil-lagunak jo eta irain egin ziola erantzun zuen.

Zauriak

Gizonezkoak balkoiko ateko kristala apurtu zuen ukabilkadaz eta ondoren emakumeari eraso egiten jarraitu zuen. Orduan, erasotzailearen anaiak tinbrea jo zuen eta emakumeak balkoira ihes egiteko apobetxatu zuen.

Biktima Palamoseko Ospitalera eraman zuten zauriak artatzeko. Gizona ere ospitalera joan zen kristalak apurtzean egindako zauriak sendatzeko.