Gizartea -
Atxilotu egin dute
Gizon batek bikotekideari laban batekin eraso egin dio Beasainen
Erasoa Beasaingo etxebizitza batean gertatu da. Gizonezkoa atxilotu egin dute eta emakumezkoa artatu behar izan dute.
Erredakzioa
42 urteko gizon bat atxilotu dute Beasainen (Gipuzkoa) bere bikotekideari eraso egiteagatik. Labankada bat ematen saiatu da eta zauriengatik artatu behar izan dute.
Ertzaintzak jakitera eman duenez, 08:00ak aldera gertatu da erasoa Beasaingo etxebizitza batean.
Biktimak kontatu duenaren arabera, bikotekidea edana zegoen eta geroz eta agresiboagoa ikusi duenez, bere logelara joan eta gela itxi du.
Gizonak ustez, atea hautsi du sukaldeko laban batekin eta bikotekideari bular parean labankada ematen saiatu da. Biktimak defendatzea lortu du eta labana kendu dio. Orduan, gizonak eraso egin dio.
Emakumeak etxebizitzatik ihes egitea lortu eta laguntza eskatu du. Ertzaintza bertaratu denean, emakumeak hainbat kolpe zituela eta besoan ebaki bat zuela berretsi dute, horregatik, artatu behar izan dute.
Emakumearen etxebizitzara joan direnean 42 urteko gizona topatu dute eta atxilotu egin dute.