Goirizelaia EHUko errektore izateko hautagai bakarra izango da

Euskal Herriko Unibertsitateko egungo errektorea, Iñaki Goirizelaia, berriz aurkeztuko da hautagai gisa eta seguruenik hautagai bakarra izango da, unibertsitateko iturriek adierazi dutenez.

Ostegun honetan, 11:00etan aurkeztuko du taldea, hautagaiak aurkezteko epea itxi eta ordubetera.

Hauteskunde kanpaina azaroaren 12an hasiko da eta hauteskundeak abenduaren 4an egingo dira.

Aurretik, azaroaren 19tik 28ra bozketa elektronikoa egin ahal izango da, errektoretzarako lehen aldiz erabiliko duten modalitatea. Aurretik, hala ere, klaustrorako eta hainbat zentrotako batzarretarako erabili izan da. Bestalde, hil horren 26tik 30era hautestontzi bat ere jarriko dute.

Errektorea hautatzeko boto haztatua erabiltzen da. Horren arabera, % 56,25 unibertsitatearekin lotura iraunkorra duten doktoreak diren unibertsitateko irakasleei dagokie; % 7,5 lotura iraunkorra duten doktoreak ez direnei; % 2,09 beste irakasle edo ikertzaileei; % 22,08 ikasleei eta % 12,08 administrazioko eta zerbitzuko langileei.

Hautagai bakarra aurkeztuz gero, buelta bakarra egongo da eta alde edo zurian bozkatu ahal izango da (ezingo da aurka bozkatu). Aldeko botoen herena eskuratzen duena izango da errektorea.