Gizartea -
IRAGARPENA
Tenperaturek gora egingo dute, Euskadin
Gaur eta datozen egunetan, hego eta hego-ekialdeko haizeek tenperatura maximoak 20 ºC ingurura igoko dituzte.
Erredakzioa
Gaur tenperaturak nabarmen gora egingo du. Euskalmet euskal meteorologia agentziaren aurreikuspenaren arabera, giro eguzkitsua izango dugu egun osoan eta hego-ekialdeko haizea ibiliko da, tenperatura igoz; kostaldean 20 ºC ingurura iritsiko da eta 17-18 ºC ingurura barnealdean. Horrez gain, hego-ekialdeko haizeari esker goizean goizeko tenperatura ez da aurreko egunetan bezain hotza izango eta zaila da behe lainoa izatea.
Ostegunean ez dugu aldaketa handirik espero. Hego-ekialdeko haizea ibiliko da eta zerua erabat garbi agertuko da, ondorioz tenperatura aurreko eguneko berdina izango da. Aldaketa aipagarriena gaueko tenperaturari dagokio; aurreko egunekoekin alderatuz, nabarmen igoko baita.
Ostiralean giro egonkorrarekin jarraituko dugu. Haizea hegoaldetik sartuko da eta egunaren lehen zatian indarrez joko du. Eguzkia izango dugu protagonista berriro eta goi-hodeiak agertuko badira ere, argiune politak izango ditugu. Tenperaturari dagokionez, bai minimoek eta baita maximoek ere, gorabehera handirik gabe jarraituko du.
