Gizartea -
Ziordian, Nafarroan
Ziordiako pareta batean blokeatu den mendizale bat erreskatatu dute
Mendizalea bera izan da erreskatea eskatu duena, 15:35 aldera SOS Nafarroako larrialdi zerbitzuari dei egin dionean.
Erredakzioa
Erreskate talde batek mendizale bat erreskatatu behar izan du Nafarroako Ziordia herriko gune arrokatsu batean, Nafarroako Gobernuak ohar baten bitartez azaldu duenez.
Mendizalea bera izan da erreskatea eskatu duena, 15:35 aldera SOS Nafarroako larrialdi zerbitzuari dei egin dionean.
Momentu horretan, Guardia Zibilaren erreskate talde bat mobilizatu eta Ziordiara abiatu dira Nafarroako Gobernuko helikoptero batean. Poliziaz gain, Altsasuko su-hiltzaile talde bat eta Foru Poliziaren patruila bat ere gerturatu dira.
16:50 aldera, mendizalea erreskatatu eta paretatik jaistea lortu dute.