Gizartea -
Emakumeen aurkako indarkeria
Gizon bat atxilotu dute Bartzelonan, emakume bat hiltzea egotzita
Emakumezkoa abuztuaren 5ean desagertu zen. Atxilotutakoak hil omen zuen, baina oraindik ez dute topatu gorpua. Tratu txarren aurkako telefonoa: 016.
Erredakzioa
Esquadra Mossoek gizonezko bat atxilotu dute Bartzelonan, abuztuan desagertu zen emakume bat hiltzea eta horren gorpua desagerraraztea egotzita.
Polizia autonomikotik azaldu dutenez, atzemandakoa 34 urtekoa eta Bartzelonako bizilaguna da. Biktima Kataluniako hiriburuan bizi zen 29 urteko emakume ekuadortar bat da.
Antza denez, gizonezkoak harreman sentimentala hasi nahi zuen emakumearekin, baina horrek ez zuen nahi. Hala ere, elkarrekin geratu ziren abuztuaren 5ean, Bartzelona erdiguneko plaza batean. Emakumea bizirik ikusi zuten azken aldia izan zen.
Mossoek egiaztatu ahal izan dutenez, "gizonak hil egin zuen emakumezkoa, eta, ondoren, gorpua zatitu eta hainbat zaborrontzitara bota zuen".
Agenteak ikertzen ari dira oraindik, gorpua topatzeko.