Gizartea -
A-8 errepidean
Lagun bat hil da eta bi zauritu dira Muskizen, zirkulazio istripuan
Errepidetik irten dira, eta Pobeña auzorako bidera erori da ibilgailua. Zaurituetako bat ibilgailuan harrapatuta geratu da
Erredakzioa
Pertsona bat hil eta beste bi zauritu dira A-8 errepidean, Muskizen (Bizkaia), izan den zirkulazio istripuan. Lur orotako ibilgailu batean zihoazen, eta errepidetik irten dira. Ondorioz, Pobeñarako bidera erori da autoa. Zaurituetako bat autoan harrapatuta geratu da.
Istripua 15:00ak inguruan gertatu da. Kantabriarako bideoa zihoan ibilgailua, eta, oraindik ikertzen ari diren arrazoiengatik, errepidetik irten da. Pobeña auzorako bidea itxita geratu da.
Ezbeharraren ondorioz, ibilgailua zihoan lagunetako bat hil egin da, eta beste bi zauritu egin dira. Zaurituetako bat Gurutzetako ospitalera eraman dute, eta bestea autoan harrapatuta geratu da. Suhiltzaileen laguntza behar izan dute bertatik ateratzeko.
